ახალი ამბები
...

15/08/2017 ჯორჯიან უოთერ ენდ ფაუერი საერთაშორისო საფინანსო ინსტიტუტებისგან 60 მლნ ევროს ოდენობის გრძელვადიან დაფინანსებას მიიღებს

დღეს, 15 აგვისტოს, ჯორჯიან უოთერ ენდ ფაუერმა, ნიდერლანდების განვითარების ბანკმა (FMO) და გერმანიის საინვესტიციო და განვითარების საზოგადოებამ (DEG), ხელი გრძელვადიანი დაფინანსების ხელშეკრულებას მოაწერეს. ხელშეკრულების თანახმად, კომპანია ჯორჯიან უოთერ ენდ ფაუერი FMO-სგან 40 მილიონი დოლარის მოცულობის ექვივალენტს ეროვნულ ვალუტაში,  ხოლო DEG-სგან 25 მილიონი ევროს მოცულობის გრძელვადიან სესხს მიიღებს.

აღნიშნული ფინანსური რესურსით კომპანია მასშტაბურ საინვესტიციო პროექტებს განახორციელებს. დაფინანსება გარდაბნის გამწმენდი ნაგებობის მოდერნიზაციას, წყალმომარაგების ქსელის რეაბილიტაციას და ბოდორნაჰესის მშენებლობას მოხმარდება.

 

FMO ნიდერლანდების  საფინანსო ინსტიტუტია, რომელიც ინვესტირებას განვითარებადი ქვეყნების კერძო სექტორში ახდენს. ბანკისთვის პრიორიტეტული მიმართულებებია ენერგეტიკა, სოფლის მეურნეობა და ფინანსური ინსტიტუტები.

 

რას შეეხება DEG-ს, ორგანიზაცია თავის მხრივ ევროპის უმსხვილესი ფინანსური ინსტიტუტის KfW–ის შვილობილია და განვითარებად ქვეყნებში კერძო კომპანიებს აფინანსებს.

 

დაფინანსების ხელშეკრულებას ხელი ჯორჯიან უოთერ ენდ ფაუერის გენერალურმა დირექტორმა, გიორგი ცხადაძემ, ნიდერლანდების განვითარების ბანკის წარმომადგენელმა და გერმანიის საინვესტიციო და განვითარების საზოგადოების წარმომადგენელმა მოაწერეს.

 

როგორც გიორგი ცხადაძე აღნიშნავს, მიღებული თანხებით ჯორჯიან უოთერ ენდ ფაუერი უპრეცედენტო საინვესტიციო პროექტებს განახორციელებს.  საერთაშორისო ფინანსურ ინსტიტუტებთან გრძელვადიანი თანამშრომლობა წყალმომარაგების სფეროს განვითარებას და რიგითი მოქალაქეების ცხოვრების ხარისხის გაუმჯობესებას უზრუნველყოფს.

 

 ხელმოწერის ცერემონიალს, სასტუმრო ქორთიარდ მარიოტში საქართველოს მთავრობის პირველი ვიცე-პრემიერი დიმიტრი ქუმსიშვილი, თბილისის მერი დავით ნარმანია, თბილისის საკრებულოს თავმჯდომარე გიორგი ალიბეგაშვილი, ნიდერლანდების სამეფოს საელჩოს, გერმანიის საელჩოს პირველი პირები და სხვა წარმომადგენლობითი სტუმრები ესწრებოდნენ.

 

საქართველოს მთავრობის პირველმა ვიცე-პრემიერმა აღნიშნა, რომ აღნიშნული დაფინანსება ჯორჯიან უოთერ ენდ ფაუერს ახალ შესაძლებლობებს მისცემს. ,,საქართველო წყლით მდიდარი ქვეყანაა. თუმცა სასმელად ვარგისი წყლის მომხმარებლამდე მიტანა მნიშვნელოვანი ინფრასტრუქტურული სამუშაოების გარეშე წარმოუდგენელია. ჩვენ უდიდეს მნიშვნელობას ვანიჭებთ მსგავს პროექტებს და დიდ ყურადღებას ვაქცევთ მათ განხორციელებას. ჩვენთვის მნიშვნელოვანია, რომ საქართველოს მოსახლეობა, მთელი ქვეყნის მასშტაბით, უზრუნველყოფილი იყოს ღირსეული ცხოვრებისთვის აუცილებელი კომუნალური პირობებით, იქნება ეს წყალმომარაგება, ელექტროენერგიისა და ბუნებრივი აირის მიწოდება.” - განაცხადა დიმიტრი ქუმსიშვლმა.

 

 

სხვა კატეგორიები
...

29/08/2017 ჯორჯიან უოთერ ენდ ფაუერმა ვარკეთილის 3-ის წყალსადენის ქსელის რეაბილიტაცია დაიწყო

  დღეს, 29 აგვისტოს, ვარკეთილის 3-ის, III მიკრორაიონში,  ჯორჯიან უოთერ ენდ ფაუერმა წყალსადენის ქსელის გამართულად ფუნქციონირების მიზნით, მასშტაბური სარეაბილიტაციო პროექტი დაიწყო. ...

ვრცლად

...

24/08/2017 ბორჯომის ხეობაში, ხანძრის სალიკვიდაციო სამუშაოებში კომპანიები ჯორჯიან უოთერ ენდ ფაუერი, რუსთავის წყალი და მცხეთის წყალი ჩაერთვებიან

ბორჯომის ხეობაში, ხანძრის სალიკვიდაციო სამუშაოებში კომპანიები ჯორჯიან უოთერ ენდ ფაუერი, რუსთავის წყალი და მცხეთის წყალი ჩაერთვებიან.   სამივე კომპანიის საინჟინრო ბრიგადები დღეს სტიქიის ზონაში გაემგზავრნენ. ჯორჯიან უოთერ ენდ ფა...

ვრცლად

...

23/08/2017 ჯორჯიან უოთერ ენდ ფაუერი პეკინის ქუჩაზე მასშტაბურ სარეაბილიტაციო სამუშაოებს დღეს დაასრულებს

  დღეს, 23 აგვისტოს, ჯორჯიან უოთერ ენდ ფაუერი პეკინის ქუჩაზე მასშტაბური სარეაბილიტაციო სამუშაოების ბოლო ეტაპს ახორციელებს - ქუჩის მარჯვენა მხარეს ახლად მოწყობილი 1,5 კილომეტრამდე ქსელი თბილისის წყალმომარაგების სისტემასთან მიერთდება და...

ვრცლად

...

14/08/2017 gwp - 15.08.2017 ანონსი - ხელმოწერა საერთაშორისო საფინანსო ინსტიტუტებთან

ჯორჯიან უეთერ ენდ ფაუერი და საერთაშორისო საფინანსო ინსტიტუტები გრძელვადიანი დაფინანსების ხელშეკრულებას გააფ...

ვრცლად

...

10/08/2017 Gwp-იმ ასათიანის ქუჩაზე წყალმომარაგების ინფრასტრუქტურა სრულად განაახლა

  ჯორჯიან უოთერ ენდ ფაუერმა საბურთალოს რაიონის გამგეობასთან ერთად კიდევ ერთი მასშტაბური სარეაბილიტაციო პროექტი დაასრულა. ასათიანის ქუჩაზე წყალმომარაგების ინფრასტრუქტურა სრულად ...

ვრცლად