ახალი ამბები
...

19/03/2018 ჯორჯიან უოთარ ენდ ფაუერი თბილისის ზედა ზონებში წყალმომარაგების ახალი სისტემას აწყობს

 

ჯორჯიან უოთერ ენდ ფაუერი  დედაქალაქის ურბანული განვითარებისთვის, კიდევ ერთ მნიშვნელოვან პროექტს ახორციელებს. კომპანია, ტაბახმელას და  წავკისის მიმართულებით   წყალსადენის ახალ სისტემას აწყობს. აღნიშნული ქსელი, როგორც თბილისის ზედა ზონებს - შინდისს, წავკისს და ტაბახმელას, ასევე კრწანისის რაიონში, პრიმერა გოლფის მოედანს 24 საათიანი, სტაბილური წყალმომარაგებით უზრუნველყოფს.

 

პროექტის ჯამური ინვესტიცია 10 მლნ ლარს შეადგენს. პროექტის ფარგლებში კომპანია, 7 კმ სიგრძის წყალმომარაგების ახალ სისტემას მოაწყობს. პარალელურად, აღნიშნული ქსელისთვის ორი ახალი რეზერვუარის და ერთი სატუმბო სადგურის მშენებლობა მიმდინარეობს. სისტემის სტაბილურობის მიზნით, ახალ ქსელზე ევროსტანდარტის შესაბამისი ინფრასტრუქტურული ელემენტები დამონტაჟდება.

 

დღეს, მიმდინარე სამუშაოები  ჯორჯიან უოთერ ენდ ფაუერის გენერალურმა დირექტორმა გიორგი ცხადაძემ, ოპერაციების მართვის დირექტორთან მამუკა კიკალიშვილთან და კომპანიის მენეჯმენტის სხვა წარმომადგენლებთან ერთად  დაათვალიერა.

 

„დედაქალაქისთვის და მოსახლეობის ცხოვრების ხარისხის გაუმჯობესებისთვის, კიდევ ერთი, ძალიან მნიშვნელოვანი პროექტი დავიწყეთ.  სამუშაოების პირველ ეტაპზე 7 კმ ტრანშეა და 200 მეტრი წყალმომარაგების ქსელი უკვე მოწყობილია. წყალმომარაგების ახალი სისტემა  სრულად ავტომატიზირებული იქნება, რაც ადგილობრივი რელიეფიდან და ქსელის დატვირთვიდან გამომდინარე,  სტაბილურობის  მაღალ სტანდარტებს განაპირობებს. ქსელზე 30 ჩამკეტ-მარეგულირებელი ურდული დამონტაჟდება და 21 საკვანძო ჭა მოეწყობა. ამავე ტერიტორიაზე, პარალელურად, ორი რეზერვუარი შენდება - თითოეული 5000 მ3 მოცულობის. ასევე, ვაშენებთ 2. 5 მეგავატი სიმძლავრის სატუმბო სადგურს - მისი წარმადობა საათში 1200 მ3 იქნება.  შედეგად, შინდისის, წავკისის და ტაბახმელას მოსახლეობას, ასევე პრიმერა გოლფის მოედანს 24 საათიანი, სტაბილური წყალმომარაგება ექნება“ - განაცხადა gwp-ის ოპერაციების მართვის დირექტორმა მამუკა კიკალიშვილმა.

აღსანიშნავია, რომ ამ დროისთვის მსგავსი, საკმაოდ მასშტაბური პროექტები ბეთანიასა და კვესეთში, ასევე კაკლების დასახლებაში მიმდინარეობს, სადაც წყალმომარაგების სისტემა  არ არსებობდა. ამ დასახლებებში  35 კმ წყალმომარაგების ახალი ქსელი მოეწყობა.

 

კომპანია, 2018-2020 წლებში ინფრასტრქტურულ პროექტებში 200 მლნ ლარს დახარჯავს.

 

 

სხვა კატეგორიები
...

30/05/2019 gwp ჭავჭავაძის გამზირზე წყალმომარაგების რეაბილიტაციას იწყებს

  დღეს, ჭავჭავაძის გამზირის მასშტაბური რეაბილიტაცია დაიწყო.  2 ივნისს, კომპანია ჯორჯიან უოთერ ენდ ფაუერი ჭავჭავაძის გამზირზე წყალსადენისა და წყალარინების სისტემის გასაახლებლად მასშტაბურ სარეაბილიტაციო...

ვრცლად

...

27/05/2019 ჯივიპი გლდანში, ვეკუა-ხიზანიშვილის ქუჩებზე წყალმომარაგების სისტემას ანახლებს

  ჯორჯიან უოთერ ენდ ფაუერის 2019 წლის ერთ-ერთი მასშტაბური პროექტი - გლდანში, ვეკუა-ხიზანიშვილის ქუჩებზე წყალმომარაგების სისტემის რეაბილიტაცია აქტიურ ფაზაშია.   პროექტის ფარგლებში, ჯივიპი  წყალსადენისა და წყალ...

ვრცლად

...

22/05/2019 ჯორჯიან უოთერ ენდ ფაუერი Fitch Ratings-ის მიერ მინიჭებულ რეიტინგს „BB-“მეოთხე წელია სტაბილურად ინარჩუნებს

    2019  წლის 21 მაისის  საერთაშორისო სარეიტინგო სააგენტო Fitch Ratin...

ვრცლად

...

10/05/2019 ჩაერთე ჯივიპის SMS სერვისში და იყავი ინფორმირებული

  ჯორჯიან უოთერ ენდ ფაუერი  მომსახურების გაუმჯობესების მიზნით მომხმარებლებს SMS სერვისში გამარტივებულ ჩართვას სთავაზობს. gwp-ის SMS სერვისზე რეგისტრაციისთვის მომხმარებელი მობილური ტელეფონიდან 90111-ზე აბონენტის ნომერს აგზავნის და...

ვრცლად

...

11/04/2019 ჯივიპი გლდანის რაიონში, ჯანჯღავას ქუჩის I შესახვევში წყალმომარაგების სისტემას აახლებს

    ჯორჯიან უოთერ ენდ ფაუერმა გლდანის რაიონში, ჯანჯღავას ქუჩის პირველ შესახვევში წყალმომარაგების სისტემის განახლების მიზნით მასშტაბური...

ვრცლად