ახალი ამბები
...

15/12/2017 ჯორჯიან უოთერ ენდ ფაუერმა ახალი „მწვანე“ ჰესის მშენებლობა დაიწყო

 

დუშეთის მუნიციპალიტეტის სოფელ ბოდორნაში ჯორჯიან უოთერ ენდ ფაუერის ინიციატივით ეკოლოგიურად სუფთა ჰესის მშენებლობა ოფიციალურად დაიწყო.  დღეს ბოდორნაჰესის ტერიტორიაზე კომპანიის გენერალურმა დირექტორმა, გიორგი ცხადაძემ და ქვეყნის პირველმა ვიცე-პრემიერმა, დიმიტრი ქუმსიშვილმა სიმბოლური კაფსულა ჩადეს.

 

ეკოლოგიურად სუფთა ე.წ „მწვანე“ ჰესის მშენებლობისთვის ჯორჯიან უოთერ ენდ ფაუერის მიერ განხორციელებული  ინვესტიციის საერთო მოცულობა 10 მლნ ლარია.  გაწეული ინვესტიცია ნიდერლანდების განვითარების ბანკისა (FMO) და გერმანიის საინვესტიციო და განვითარების საზოგადოებისგან (DEG)  მიღებული გრძელვადიანი სესხის ნაწილით ფინანსდება.

 

„ბოდორნა ჰესი შემდეგი წლის შემოდგომაზე  უკვე ექსპლუატაციაში გაეშვება და საქართველოს ერთიანი ენერგოსისტემის განუყოფელი ნაწილი გახდება. მშენებარე ჰესის დადგმული სიმძლავრე 2.5 მგვტ-ია, ხოლო საშუალო წლიური გამომუშავება - 15 მლნ.კვტ/სთ. ამასთანავე, მნიშვნელოვანია, რომ კომპანია ჯორჯიან უოთერ ენდ ფაუერის სათავო ნაგებობების და სატუმბო სადგურების ელექტროენერგიით უწყვეტი მომარაგება მოხდება, რაც თავის თავად იმას ნიშნავს, რომ თბილისში უწყვეტი წყალმომარაგების კიდევ ერთი გარანტია იქნება“ - განაცხადა ჯივიპის გენერალურმა დირექტორმა, გიორგი ცხადაძემ.

 

„ბოდორნაჰესი ე.წ. მწვანე ჰესია. მნიშვნელოვანია ამ ტიპის და სტანდარტის, ეკოლოგიურად სუფთა ჰესების მშენებლობა, ეს მრავალმხრივ სასარგებლო პროექტია - როგორც ქვეყნის ენერგოდამოუკიდებლობის, ისე გარემოზე ზემოქმედების რისკების მინიმალიზაციის გამო.

 

არანაკლებ მნიშვნელოვანია ასეთი პროექტების განხორციელება რეგიონისა და  ადგილობრივი მოსახლეობისთვის - ეს არის ახალი სამუშაო ადგილები როგორც ჰესის მშენებლობის პროცესში, ისე მისი ამოქმედების შემდეგ“ - განცხადა ქვეყნის პირველმა ვიცე-პრემიერმა, დიმიტრი ქუმსიშვილმა.

 

ბოდორნაჰესის მშენებლობით საფუძველი ჩაეყარა ისეთი მნიშვნელოვანი პროექტის განხორციელებას, რომელიც მომავალში ხელს შეუწყობს არამარტო ქვეყნის ეკონომიკურ განვითარებას, არამედ ქვეყნის ენერგოდამოუკიდებლობის მიღწევას.

 

 

სხვა კატეგორიები
...

22/05/2018 Gwp-იმ პროექტის #მომავლისინჟინერი გამარჯვებულები გამოავლინა

  21 მაისს, ტექნოპარკში #მომავლისინჟინრის საზეიმო დაჯილდოება გაიმართა. კრეათონი ჯორჯიან უოთერ ენდ ფაუერის ორგანიზებით ჩატარდა. პროექტის მიზანია წყალმომარაგების სექტორში ტექნიკუ...

ვრცლად

...

02/04/2018 ჯორჯიან უოთერ ენდ ფაუერმა მორიგი ჰაკათონი „ეუჰაკთან“ერთად, კახა ბენდუქიძის საუნივერსიტეტო კამპუსში გამართა

ჯორჯიან უოთერ ენდ ფაუერის ერთ-ერთი პრიორიტეტული მიმართულება ტექნოლოგიური სფეროს განვითარების ხელშეწყობაა. კომპანია ინოვაციური პროექტების განხორციელებას, ახალგაზრდების პროფესიულ განვითარებას და საინჟინრო დარგის პოპულარიზაციას მუდმივად მხარს უჭერს. ...

ვრცლად

...

23/03/2018 ჯორჯიან უოთერ ენდ ფაუერმა ივერთუბანში, მასშტაბური სარეაბილიტაციო პროექტი დაასრულა

  ჯორჯიან უოთერ ენდ ფაუერის საინვესტიციო პროექტებს შორის, ერთ-ერთი მნიშვნელოვანი მიმართულება წყალმომარაგების  ქსელის და დედაქალაქის ურბანული განვითარებაა. კომპანიამ კიდევ ერთი მასშტაბური სა...

ვრცლად

...

19/03/2018 ჯორჯიან უოთარ ენდ ფაუერი თბილისის ზედა ზონებში წყალმომარაგების ახალი სისტემას აწყობს

  ჯორჯიან უოთერ ენდ ფაუერი  დედაქალაქის ურბანული განვითარებისთვის, კიდევ ერთ მნიშვნელოვან პროექტს ახორციელებს. კომპანია, ტაბახმელას და  წავკისის მიმართულებით   წყალსადენის ახალ სისტემას აწყობს. აღნიშნული ქსელი, როგ...

ვრცლად

...

13/03/2018 gwp ბეთანიასა და კვესეთში წყალმომარაგების სისტემას აწყობს

  კომპანია ჯორჯიან უოთერ ენდ ფაუერის 2018 წლის საინვესტიციო პოლიტიკის პრიორიტეტად თბილისის მოსახლეობის ცხოვრების ხარისხის გაუმჯობესება და ქალაქის ურბანული განვითარების ხელშეწყობა რჩება.   ამ მხრივ კომპანიამ კიდევ ...

ვრცლად