2 93 11 11
12/01/2015 „ჯორჯიან უოთერ ენდ ფაუერი“, ჯავახიშვილის აღმართზე მომხდარ დაზიანებასთან დაკავშირებით, განცხადებას ავრცელებს
კომპანია „ჯორჯიან უოთერ ენდ ფაუერის“ ტექნიკური სამსახურის საავარიო ბრიგადები მობილიზებულია ჯავახიშვილის აღმართის N21-ის მიმდებარედ, სადაც დღეს დილით, გზის სავალი ნაწილი ჩაინგრა. საავტომობილო გზის მარჯვენა მხარის უეცრად მოწყვეტის შედეგად, დაზიანდა წყალსადენის 500 მმ-იანი მაგისტრალური მილი. ამჟამად, კომპანიის საავარიო ბრიგადები დაზიანებული მაგისტრალის აღსადგენად, გადაუდებელ ტექნიკურ სამუშაოებს ატარებენ. შემთხვევის ადგილზე მობილიზებულია სპეცტექნიკა, წყალსადენის შესაბამისი ქსელების წყლისგან დაცლის მიზნით კი, გადაკეტილია წყალმომარაგება.
ჯავახიშვილის აღმართზე გზის სავალი ნაწილი, დღეს დილით, უეცრად ჩაინგრა. აღნიშნულის შესახებ „ჯორჯიან უოთერ ენდ ფაუერის“ ცხელ ხაზზე შეტყობინების შესვლისთანავე, კომპანიის საავარიო ბრიგადები შემთხვევის ადგილზე დაუყოვნებლივ გავიდნენ. ჯავახიშვილის აღმართის აღნიშნული მონაკვეთიდან, კომპანიის ცხელ ხაზზე დაზიანების თაობაზე შეტყობინება დღეს დილამდე არ დაფიქსირებულა.
ჯავახიშვილის აღმართზე დაზიანებული წყლის მილის აღდგენითი სამუშაოები ამ დროისთვის ინტენსიურად მიმდინარეობს. დაზიანების ლიკვიდაციის მიზნით, წყალმომარაგება შეწყვეტილი აქვს:
ჯავახიშვილის აღმართს, ქიჩელის, ახვლედიანის, საქანელას, უშანგი ჩხეიძის ქუჩებს, ასევე მარჯანიშვილისა და საქანელას ქუჩების მცირე ნაწილს და სასტუმრო ,,რედისონ ბლუ ივერიას“.
„ჯორჯიან უოთერ ენდ ფაუერი“ შეეცდება მაქსიმალურად სრაფად დაასრულოს სამუშაოები და ჩამოთვლილ ქუჩებს წყალმომარაგება აღუდგინოს. წყალმომარაგების აღდგენის შესახებ ინფორმაციას „ჯორჯიან უოთერ ენდ ფაუერი“ დამატებით გაცნობებთ
26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
